Në internet është duke qarkulluar një video shokuese, ku shihet një fëmijë i vogël që detyrohet me forcë nga të rriturit që të pi cigare.
Videoja e publikuar fillimisht në aplikacionin Snapchat shfaq vogëlushen e cila besohet të jetë nga Essex i Anglisë, të cilën e detyrojnë dhunshëm të pi cigare dhe më pas e përplasin për tokë dhe e rrokullisin shkallëve.
Kjo video ishte incizuar dhe më pas është postuar në rrjetin social Twitter, ku shumë persona publikë përfshirë boksierin britanik Tony Bellew, kanë bërë thirrje që përgjegjësit të vihen para drejtësisë dhe vogëlushja të “shpëtohet”.
Videoja fillon kur vogëlushes së vogël i jepet një cigare të cilën e vë në gojë, derisa një person i rritur ia ndez dhe inkurajon që ta tymosë.
Më pas ajo shfaqet në një ambient tjetër të shtëpisë, ku përplaset për tokë dhe rrokulliset shkallëve sikur të ishte kukull.
