Ky vend është i bekuar nga zoti, por i shkatërruar nga dora e njeriut.
Emisioni investigativ BOOM në RTV Ora News ka bërë një vëzhgim në disa lumenj në vend, për të parë ndotjen përgjatë gjithë vijës së lumit.
Në lumin Tërkuzë në Kamëz në muajin korrik mbetjet që ndodheshin në landfill pranë këtij lumi iu vu flaka. Ndërsa sot edhe pse është bërë rehabilitimi, gjurmët e mbetjeve urbane janë ngado.
Ne foto: Landfilli prane lumit Terkuze qe iu vu flaka
Nga vazhgimi i bërë nga gazetarja e BOOM, rezulton se i gjithë shtrati i lumit është i pushtuar nga inerte, mbetje urbane dhe spitalore.
Ne foto: Lumi Terkuze i ndotur
Edhe në lumin Zezë, në Krujë situata është e njëjtë. Mungesa e kulturës qytetare ka bërë që ky lumë të shndërrohet në një kosh të mbetjeve urbane.
Ne foto: Lumi Zeze i ndotur
Ne foto: Lumi Zeze i ndotur
Por mbetjet që hidhen në lumin Tërkuzë dhe në lumin Zezë përfundojnë në Ishëm dhe prej andej në detin Adriatik.
Ne foto: Dy lumenjte bashkohen ne Ishem
Ne foto: Lumi Ishem i ndotur
Situatë alarmante është edhe ndotja që vjen nga ekstrakti i mbetjeve të landfillit të Sharrës.Kamera e BOOM ndoqi rrjedhën e ujit të ndotur që kullon nga ky landfill dhe përfundimi ishte në lumin Erzen dhe ky i fundit derdhet në detin Adriatik.
Ne foto: Landfilli i sharres, mbetjet e te cilat perfundojne ne Lumin Erzen
Ne foto: Lumi Erzen i ndotur
Ne foto: Lumi Erzen i ndotur nga mbeturinat
Ne foto: Lumi Erzen perfundon ne detin Adriatik
Ne foto: Vendi ku lumi Erzen bashkohet me detin Adriatik
Ne foto: Mbetje spitalore te gjetura ne breg te detit
Edhe lumi Gjanicë vuan cilësinë e ujit pasi aty derdhen mbetjet e uzinës së përpunimit të naftës. Ky lumë i mbushur me hidrokarbure përshkon disa fshatra, fermerët e të cilëve vaditin të mbjellat e tyre.
Ne foto: Lumi Gjanice i ndotur nga mbetjet e uzines se perpunimit te naftes
Ujrat e ndotur të Gjanicës bashkohen me Semanin dhe më pas derdhën përsëri në detin Adriatik.
Ne foto: Lumi i ndotur i Semanit
Cilësia e ujit në detin Adriatik është një këmbanë alarmi për të gjitha institucionet përgjegjëse, pasi pasojat e këtyre ndotjeve i faturohen shëndetit të njerëzve.
