Qemal Sela, 26-vjeçari, i cili të enjten e 7 Qershorit vrau me armë zjarri prindërit e tij, do të shtrohet në spital psikiatrik.
Gjykata për Krimet e Rënda ka caktuar këtë të hënë masën “shtrim i detyrueshëm në spital psikiatrik”, për 26-vjeçarin, pasi dyshohet se ai vuan nga probleme mendore.
Sela mësohet se para gjykatës ka deklaruar se nuk ka vrarë prindërit e tij, por dy hije. Ai kishte qëndruar për të paktën 3 muaj në një spital psikiatrik në Angli, përpara se të kthehej në Shqipëri.
26-vjeçari jetonte prej 7 vjetësh në shtetin anglez si emigrant i jashtëligjshëm dhe u deportua pak ditë para krimit të rëndë.
Paraditen e së enjtes, pas një debati që dyshohet se lindi për pronësinë e hotelit të familjes në Peshkopi, 26-vjeçari mori kallashnikovin dhe vrau të dy prindërit Zeqimete dhe Flamur Sela, 50 dhe 55 vjeç.
