Islanda është një nga vendet më të bukura në botë. Popullsia e saj ka jetuar përherë në harmoni me natyrën dhe e ka mbrojtur përherë atë. Gjuha islandeze, nuk ka ndryshuar që nga shekulli XII. Pavarësisht popullsisë prej vetëm 300 e ca mijë banorësh, ky vend është kampion në fushën e librave, duke publikuar më shumë libra në vit se çdo vend tjetër.
Shkollat në këtë shtet, janë pa pagesë, ndërsa universiteti ka tarifa shumë të ulëta, duke mundësuar arsimimin e cilitdo që dëshiron. Islanda nuk ka spitale private. Qeveria atje i kushton shume vëmendje mjekësisë, dhe ky shtet ka standardet më të larta në botë për shërbimin shëndetësor.
Ngrohja e shtëpive është falas. 90 për qind e shtëpive në Islandë, ngrohet me ujin e ngrohtë që vjen nga burimet e shumta gjeotermale. Vendi ishullor nuk ka ushtri. Ndërkohë policët dhe rojet e kufirit nuk mbajnë armë.
Niveli i kriminalitetit është thuajse zero. Ata që duan të shkojnë në ushtri, mund t’i bashkëngjiten ushtrisë norvegjeze, në bazë të një marrëveshje të arritur mes 2 shteteve. Në Islandë, thuajse askush nuk pi alkool dhe duhan.
Në vend të tyre islandezët merren shumë me kërcimin, muzikën dhe sporte të ndryshme. Në Islandë ekziston një komitet që vendos si do quhen fëmijët e porsalindur. Ai përbëhet nga 6 persona, 3 nga Ministria e Drejtësisë dhe 3 nga institucionet e edukimit, të cilët përzgjedhin me kujdes emrat e foshnjeve, për të shmangur emrat e huaj.
TIRANA TODAY
