Bojkoti i kampionatit do të vazhdojë, deri në plotësimin e kërkesave.
Ky është vendimi i marrë Liga Profesioniste e Futbollit, pas takimit të sotëm me klubet e Superiores.
Edvin Libohova është shprehur se do ndryshohet mendim vetëm nëse plotësohen kërkesat.
“Liga vendosi që bojkoti të vazhdojë deri sa qeveria të plotësojë kërkesat tona. Nëse nesër do jetë tym të bardhë nga takimi në ministri, qëndrimi do ndryshojë. Ne ndryshojmë mendim dhe vendim vetëm nëse na plotësohen kërkesat. Vetëm kanë filluar bisedimet, nuk kemi marrë asnjë vendim. Nesër kemi takim dhe presim të kemi një propozim për të zgjidhur këtë çështje. 10 klube duan që të mos fillojë dhe asnjë nuk do të fillojë pa u plotësuar kërkesat.”, u shpreh Libohova për mediat.
