Kreu i Partisë Demokratike, Lulzim Basha ka hedhur poshtë aludimet se mund të ketë një marrëveshje me Edi Ramën. Basha ka insistuar se e vetmja zgjidhje është largimi i Ramës, ndërsa iu përgjigj edhe interesit të gazetarëve lidhur me protestat.
Në një kohë kur presidenti shfuqizoi dekretin për zgjedhjet vendore, Basha zbuloi se gjithsesi protestat e opozitës do të vijojnë, madje ai paralajmëroi se do të jenë më të fuqishme se kurrë.
“Nuk ka marrëveshje me Ramën, as nuk do të ketë. Protestat do të vazhdojnë, kanë vazhduar në Lushnje dhe do të vazhdojnë në Tiranë më fuqishëm se kurrë”, tha ndër të tjera kryedemokrati.
