Këngëtarja e njohur Besa Kokëdhima, ka reaguar ndaj deklaratës së dhënë një ditë më parë nga kreu i Bashkisë, Erion Veliaj, lidhur me efektiven Ina Nuka. Gjatë një takimi në Bashkinë e Tiranës, me disa banorë të Unazës, Veliaj tha se polices Ina Nuka i është shkatërruar jeta, pasi asnjë burrë nuk do të martohet me një vajzë me gishta të prera.
“Jemi të gjithë burra, i shkojnë sytë të martohet një burrë me një vajzë pa gishta?”, u shpreh Veliaj.
Duke marrë shkas nga kjo deklaratë, vajza e Koço Kokëdhimës shprehet e shokuar.
“Ju shkatërrua jeta për të mbrojtur burra si ju! Turp e faqe e zezë! Mos i qani hallin se ka plot burra që nuk do i shihnin gishtat, po shqetësohuni t’i jepni gjithë pensionet, trajtimet, kurat dhe kujdesin financiar e shëndetësor!
Kujdesuni gjithashtu për pashpirtësinë dhe arrogancën me të cilën keni ofenduar të gjithë ata që kanë kufizime e fatkeqësi nga më të ndryshmet! Turp!”, shkruan ajo në Facebook.
