Gjatë takimit me rektorët e dekanët, kryeministri Rama u ka bërë të ditur atyre se nuk do jetë më ai që ka qenë në lidhje me çështjen e arsimit.
Teksa theksoi se arsimi ka nevojë për ndryshim e korrigjim total, kryeministri tha se ai do jetë përherë një protestues në arsim, ndërsa shtoi se ka humbur besimin nga keqpërdorimi i autonomisë së universitetit.
Po ashtu, Rama u kërkoi dekanëve e rektorëve që të mos fshihen, por të mbështesin studentët e të komunikojnë me ta për zgjidhjen e këtij ngërçi.
Fjala e Ramës:
Kjo pikë që kërkojnë studentët është më spektakolarja që tregon se sa të dëshpëruar janë. I kërkojnë qeverisë vlerësimin e cilësisë së performancës, më fal si e vlerëson qeveria këtë?
2 herë më kanë thënë s’ua të të dëgjojmë, kur doja të bëhesha kryetar i PS dhe tani. Dëgjoj që pedagogët shesin me zor librat, që janë përkthime të këqija. Dëgjoj për historira nga më të çuditshmet, po ku hyn qeveria këtu? Si mund ta bëjë qeveria vlerësimin e cilësisë së teksteve të mësimdhënies? Duhet një qasje e përbashkët më komplekse. Nuk është e thjeshtë.
1000 e ca rroga, ndërkohë që dalin studentët e verbër që s’kanë as lehtësinë më të vogël, s’e kuptoj. U desh protesta që të mësoj se studentët e verbër s’kanë kushtet minimale.
Për mua 8 pikat e ngritura janë vetëm parathënia e një libri që duhet korrigjuar i gjithi. Gjithkush nga qeveria që ka pasur lidhje me arsimin, ka përgjegjësi. Jeni ju që duhet ta nxirrni përgjegjësinë. Unë nuk jam më ai që isha përpara kësaj histori ne raport me universitetin. Protesta do mbarojë një ditë, studentët do kthehen në gjendje normale, unë do jem protestues sa të jem kryeministër për çështjet e arsimit. Nëse ti loz me tjetrin, askush nuk kupton.
Jam marrë me universitetin kur kam parë 4 dekanë të shqetësuar për mosmarrëveshje, kam kuptuar një ngërç të madh që vjen nga mungesa e mbase dëshirës, ose kapacitetit për t’iu nënshtruar ligjit.
Dhe jam përgjegjës. S’kam ditur as mundur si ta çoj para se ka qenë në zonën e autonomisë universitare. Kjo s’do vazhdojë më.
Ju kërkoj të mos u fshihni më. Jo të dilni në TV e të mbështesni qeverinë se na dëmtoni në këtë fazë. Këtu nuk është në lojë një gjë e vogël, por fati i universitetit. Ka nevojë për komunikim, që atyre njerëzve t’u jepet mundësia të kuptojnë se nuk janë numra./ TIRANA TODAY
