Gjallesat sa vijnë e shumohen në mjedisin e Parkut Kombëtar të Karavastasë në Divjakë. Bëhet fjalë për pelikanët dalmat, të cilët janë në listën e kuqe të specieve të kërcënuara nga Bashkimi Ndërkombëtar për Ruajtjen e Natyrës, kanë rritur numrin e çifteve të tyre nga 17 në vitin 2000 në 52 në vitin 2017.
Pelikanët e Dalmacisë janë me pupla në kokë që e bëjnë atë të duket sikur ka një parukë. Ky shpend është kthyer me një lulëzim në Lagunën e Divjakës në Shqipërinë perëndimore. Pozicioni gjeografik është një nga më të rëndësishmit në pellgun e Adriatikut, kyç për kafshë të egra migratore dhe si një zonë mbarështuese për pelikanin e madh elegant.
Tani raportohet se Pelikanët e Dalmacisë janë shumuar. Ndërkohë që nga vitet 1980, popullata e shpendëve të Evropës ka rënë, sipas ornitologëve. Bashkimi Ndërkombëtar për Ruajtjen e Natyrës (IUCN) ka përfshirë Pelikanin e Dalmacisë në listën e saj të kuqe pasi beson se 80 për qind e vendeve të saj të mbarështimit në Evropë janë zhdukur.
Pelikani (Pelecanus crispus) është në listën e kuqe të specieve të kërcënuara nga Bashkimi Ndërkombëtar për Ruajtjen e Natyrës. Një ishull i vogël me 22 kilometra katror, në mes të lagunës, ka qenë thelbësore për të ndihmuar tërheqjen e shpendëve. Vendet ku jetojnë këto specie janë ngritur në mënyrë që të mos kërcënohen nga uji në rritje. Po ashtu janë vendosur tela me gjemba për të penguar hyrjen e turistëve dhe gjuetia është ndaluar në vitin 2016.
Ka 200 lloje shpendësh që banojnë ose vizitojnë lagunën, duke përfshirë së paku 1,500 flamingë. Gjithashtu mësohet se 70 për qind e ligatinave të vendit ballkanik tashmë janë shkatërruar.
