Prej mbrëmjes së djeshme ka patur probleme me sistemin TIMS në pikën kufitare të Kapshticës. Prej 12 orësh në doganën e Kapshticës për shkak të një defekti në sistemin e përpunimit të të dhënave, veprimet për hyrjet-daljet e qytetarëve bëhen manualisht.
Problemi ndodhet vetëm në pikën kufitare shqiptare, pasi pala greke po punon normalisht.
Sipas drejtorisë së kufirit, bëhet me dije se po punohet me regjistra, por nuk ka radhë mjetesh. Deri tani lëvizjet janë normale, pasi janë shtuar edhe punonjësit e policisë kufitare që bëjnë regjistrimin e qytetarëve.
Ende nuk dihet se cili është shkaku për këtë bllokim, teksa policia po punon në mënyrë manuale.
