Rrjeti Sirian për të Drejtat e Njeriut (SNHR), bëri të ditur se në 54 masakra, 40 prej të cilave të realizuara nga regjimi Asadit muajin e kaluar, kanë humbur jetën 783 civilë, gjysma e të cilëve gra dhe fëmijë.
SNHR ka publikuar raportin e muajit mars të vitit 2018, në lidhje me sulmet të cilat i klasifikon si masakra.
Në raport theksohet se muajin e kaluar kanë humbur jetën 783 civilë, në 54 masakra të kryera nga regjimi i Asadit, Rusia, organizata terroriste YPG/PKK dhe palët e tjera, prej të cilëve 198 fëmijë dhe 138 gra.
Sipas raportit, forcat e regjimit muajin e kaluar në Siri kanë kryer gjithsej 40 masakra, prej të cilave 39 në Gutën Lindore.
Në raportin e SNHR gjithashtu theksohet se në këtë periudhë Rusia ka kryer 4, YPG/PKK 2 dhe grupet tjera që përleshen 8 masakra.
Më tutje në raport thuhet se në masakrat e regjimit kanë humbur jetën gjithsej 620 civilë, prej të cilëve 142 fëmijë dhe 105 gra, ndërsa forcat ruse të cilat i japin mbështetje ajrore regjimit, kanë vrarë 78 civilë prej të cilëve 41 fëmijë, 14 gra.
Në masakrat e terroristëve të YPG/PKK kanë humbur jetën 17 civilë prej të cilëve 5 gra, ndërsa palët tjera të cilat përleshen në Siri kanë vrarë 68 civilë prej të cilëve 15 fëmijë dhe 14 gra, shkruan aa.
Në raport është kërkuar që t’i bëhet presion shteteve që e mbështesin organizatën terroriste YPG/PKK, ndërsa është kërkuar që t’i jepet fund shkeljeve që i bën organizata si dhe mbështetja me armë që i sigurohet organizatës.
