Paolo Tramezzani është shkarkuar nga posti i trajnerit të klubit zviceran Sion. Ish-zëvendësi i De Biasit tek Kombëtarja shqiptare u shkarkua pas barazimit 2-2 në shtëpi ndaj Luganos, në javën e 12.
Në një deklaratë të shkurtër të postuar në faqen zyrtare të klubit thuhej se : “Klubi largon trajnerin nga drejtimi i skuadrës”. Aventura e Tramezzanit me skuadrën zgjati vetëm 16 ndeshje, duke përfshirë edhe dy përballje në Europa League dhe dy në Kupën e Zvicrës, aktivitete nga të cilat bardhezinjtë u eliminuan përpara kohe.
Në 16 ndeshje, italiani mori vetëm 4 fitore, 5 barazime dhe 7 humbje.
