Sion i drejtuar nga Tramezzani është mposhtur sërish në fushën e tij me rezultatin 1-2 nga St.Gallen. Në pesë ndeshjet e fundit Sion ka fituar vetëm një ndeshje dhe ka barazuar një, duke regjistruar 3 humbje. Kjo ecuri e dobët vë në diskutim edhe postin e Tramezzanit si trajner i ekipit.
Ish ndihmës trajneri i De Biasit te kombëtarja shqiptare, erdhi për të drejtuar ekipin drejt titullit kampion dhe pati dorë të lirë në merkato, por deri tani ka zhgënjyer tërësisht. Sion është eliminuar nga Europa League dhe nga Kupa e Zvicrës, ndërsa në kampionat ka marrë vetëm 12 pikë në 11 takime.
Te Sion luajnë edhe dy futbollistët e kombëtares shqiptare, Ermir Lenjani dhe Burim Kukeli, të dy të afruar nga Tramezzani gjatë kësaj merkatoje verore, por që nuk kanë mundur t’i shpërblejnë atij besimin.
Prej disa javësh, presidenti i Sion e ka shprehur hapur zhgënjimin e tij për Tramezzanin, ndërsa humbja e sotme mund të rezultojë deçizive në vendimin për shkarkimin e tij.
