Sot pritet të kemi përmirësim gradual të kushteve atmosferike mbi vendin tonë.
Në pjesën e parë të ditës deri në orët e drekës, moti do të jetë i vranët, shoqëruar me reshje shiu me intensitet të ulët lokalisht mesatar.
Në zonën e veriut dhe relievet kodrinore-malore në lindje dhe juglindje, reshjet do të jenë në formën e dëborës.
Duke filluar nga orët e drekës, por kryesisht ato të pasdites, gradualisht vranësirat do ti lënë vendin kthjellimeve, duke nisur nga ultësira perëndimore dhe zonat bregdetare dhe më pas edhe në relievet malore.
Temperaturat në vlerat minimale dhe maksimale pritet të jenë:
Zonat malore -4 / -1°C
Zonat e ulëta 0 / 8°C
Zonat bregdetare 3 / 10°C
