Simulimet në futboll janë shtuar shumë vitet e fundit dhe duket sikur futbollistët bëjnë ‘shkollë’ për ato veprime. Neymar është në qendër të kritikave kur bëhet fjalë për simulime, por duket se ka edhe futbollistë të tjerë që bëjnë gjeste ‘banale’ fare gjatë një ndeshje.
Kjo u pa gjatë një ndeshje në kampionatin holandez mes Feyenoord – Utrecht. Steven Berghuis bëhet vërtetë qesharak, pasi bie në tokë pasi kundërshtari e përgëzon duke e prekur në kokë.
Veprimi i futbollistit të Feynoord ishte i jashtëzakonshëm dhe tepër i ekzagjeruar, a thua e goditi me hekur në fytyrë. Arbitri nuk ndëshkoi asnjërin nga lojtarët pak këtij veprimi të ulët edhe pse ishte Berghuis ai që e meritonte plotësisht. Përgjatë karrierës së tij Berghuis ka luajtur për disa skuadra holandeze, ndërsa për dy vjet ka qenë edhe pjesë e Watford.
