Një thumbim i kryeministri Edi Rama, ka bërë që ky i fundit të marrë përgjigje nga drejtuesi i gazetës “Koha Jonë”, Nikolla Lesi. Rama ndërhyri në një debat mes dy ndjekësve të tij, teksa një qytetar i quajtur Kadri, e quajti “trushpëlarë të Rilindjes” një simpatizante të Ramës.
Kryeministri Rama u shpreh se prapa “Kadriut” mund të fshihet një Fahri, Çimi, Artur, Ylli apo Nikollë; pra iu referua disa drejtuesish të medieve shqiptare.
I menjëhershëm ka qenë reagimi i Nikoll Lesit, i cili e quan Ramën një person që ka humbur kontrollin e mendjes dhe përbën rrezik për shoqërinë, ndërsa shton se kryeministri ka zgjidhje të vetme të urdhërojë Sandër Lleshin të arrestojë ata që do e shpjnë mu në zemër.
Madje, Lesi i kujton kryeministrit kohën kur ai sillte në “Koha Jonë” shkrime për Xhoana Nanon, bashkëshorte e ish-kryeministrit socialist Fatos Nano.
Shkrimi i plotë
Kryeministri Edi Rama ka patur dhe ka humbje kontrolli të mendjes. Dikur nuk përbënte rrezik për shoqërinë, sepse nuk kishte fate njerëzish në dorë, por tani që është kryeministër ai është rrezik. Mjafton të ndiqni videon e mëposhtme, të cilën e ka postuar në profilin e tij në ERTV. Gojë çthurur, i pirë (pasi po vjen nga një drekë në Lezhë) dhe i pacipë. E keqja mbetet se ai nuk kupton se do përfundojë keq, më keq se sa disa paraardhës të tij. Mosmirënjohës në pafytyrësi, i paskrupullt në skajshmëri, Edi Rama nuk kupton se çfarë i ka bërë vetes, kur shumë mirë e di se ç’do të thotë të sulmosh edhe njerëzit që e bënë të njohur (e thoshte vetë dikur në maj 2001 në qytetin e Lezhës). Lufta politike ka disa rregulla të pashkruara, por ai i ka shkelur sot duke ardhur nga Lezha dhe tashmë ai ka vetëm një zgjidhje: të urdhërojë Sandër Lleshin të arrestojë ata që do e shpojnë mu në zemër, aty ku i djeg më shumë. Vetëm Edi Rama e di mirë se ku i djeg dhe hidhet përpjetë po e sulmove. E di Rama mirë, kur sillte te “Koha Jone” materiale dhe shkrime kundër Xhoana …..në vitin 2004-2005!
