Elton Hoxhallari, një nga të arrestuarit për vrasjen e Devi Kasmit në Tiranë, nuk ka pranuar se është bashkëpunëtor në vrasje. Mësohet se Hoxhallari ka firmosur procesverbalin, ku deklaron se nuk pranon akuzat e vrasjes.
Elton Hoxhallari është një nga 5 të arrestuarit për vrasjen e Devi Kasmit, 36 vjeç, lindur e banues në Tiranë. Ai dyshohet si bashkëpunëtor në sigurimin e mjeteve dhe përgatitjen e infrastukturës për realizimin e vrasjes.
Report Tv ka siguruar proces-verbalin e Prokurorisë, ku thuhet se anëtari i grupit të organizuar kriminal, Elton Hoxhallari, nuk ka rënë dakord me akuzën e ngritur ndaj tij për “Vrasje me paramendim”, duke mos pranuar bashkëpunimin me bandën kriminale për ekzekutimin e Devi Kasmit.
Po ashtu, policia ka arrestuar:
Elton Halipaj, 36 vjeç, lindur në Skrapar e banues në Tiranë;
Efthymiou Efthymious, 41 vjeç, lindur e banues Arta Greqi;
Malvin Dinellari, 30 vjeç, lindur në Korçë e banues në Tiranë, si dhe ka shpallur në kërkim (Altin) Aurel Hoxhallari, 41 vjeç, lindur e banues Tiranë, i cili dyshohet si organizatori i këtij grupi të strukturuar kriminal.
Shtetasi Elton Halipaj ka siguruar mjetet e nevojshme për kryerjen e krimit.
Shtetasi grek Efthymiou Efthymious, dyshohet në rolin e ekzekutorit të shtetasit D.K. si vrasës me pagesë.
