Këshilli i Ministrave ka miratuar shtimin e fondit prej 148 milionë lekësh për vaksinimin e kafshëve të llojit gjedh kundër sëmundjes së Dermatozës Nodulare.
Vendimi për shërbimin veterinar të ndryshuar u miratua pas propozimit të ministrit të Bujqësisë.
Ky ndryshim i bërë në programin buxhetor 2017 synon rritjen e “Sigurisë ushqimore dhe mbrojtjen e konsumatorit”, ndërsa në programin buxhetor 2017 “Zhvillimi rural duke mbështetur bujqësinë, blegtorinë, agroindustrinë dhe marketingun”, pakësohet fondi prej 148 mln lekësh, shpenzime korrente, nga skema mbështetëse për bujqësinë, shkruan Scan.
Këshilli i Ministrave ngarkon Ministrinë e Financave dhe Ministrinë e Bujqësisë, Zhvillimit Rural dhe Administrimit të ujërave për zbatimin e këtij vendimi.
