Sicilianët treguan se janë kundër por edhe pro vizitës së Trump dhe mbajtjes së G7 në qytetin e tyre. Ndërsa liderët e 7 vendeve më të fuqishme të botës janë mbledhur në Taormina të Siçilisë për zhvillimin e Samitit të radhës së G7, rreth 3500 persona protestuan në rrugët e këtij qytetit për t’i thënë “Jo”agjendës së reduktuar të punimeve të tij.
Manifestuesit kanë zgjedhur të asistohen gjatë protestës së tyre nga një grup i përbërë prej 5 avokatësh të cilët do të mbikëqyrin mbi garancinë e së drejtës për të manifestuar, për t’u informuar, për lirinë e mbrojtjen personale e të drejtën kushtetuese të lirisë e shprehjes.
Por jo të gjithë Siçilianët janë kundra vizitës së Trump, dikush prej tyre ka përgatitur edhe një akullore për nder të presidentit të SHBA-ve. Trump mund të provojë akullore me emrin e tij, të përgatitur nga një pastiçeri lokale.
Përpunimi i kësaj ëmbëlsire në pamje të kujton flamurin amerikan, pasi ka luleshtrydhe (e kuqe), bajame (e bardhë) dhe boronicë (blu), të gjitha të përziera me arra dhe të vendosura sipër një cope keku. “Si prekje e fundit, akullorja “Trump Cup” ka sipër flamuj amerikan dhe flokë sheqeri të verdhë për të imituar flokët e liderit amerikan dhe flakën e Statujës së Lirisë”, tha pronari i pastiçerisë “Fanaberia Ice Cream”, Giuseppe Perdichizzi.
“Estetikisht është shumë amerikane, por në shije është shumë siçiliane, aromat janë të balancuara shumë mirë. Kjo akullore është shenjë e mikpritjes natyrale siçiliane”, tha Perdichizzi, një avokat i përfshirë në çështje të mafias që menaxhon këtë dyqan akulloreje.
Madje ky dyqan ofron edhe një pije me bazë xhinxheri, “G7 cocktail”, dhe një akullore më të vogël që i dedikohet presidentit të BE-së, Donald Tusk.
