Flokët janë gjysma e bukurisë- shumë femra janë dakord me këtë shprehje dhe prandaj mundohen t’i trajtojnë flokët me maska nga më të ndryshmet që ato të jenë të forta e të shëndetshme.
Megjithatë, rënia e flokëve nuk mund të shmanget vetëm me përdorimin e maskave.
Një nga shkaktarët kryesor për rënien e flokëve është çrregullimi hormonal, si çrregullimet e lidhura me tiroidet, ose nga një ngjarje traumatike.
Të dyja këto çojnë në rënie të nivelit të hormoneve, si estrogjeni dhe progesteroni, të cilat ndihmojnë në rritjen e flokëve.
Kjo periudhë mund të zgjasë deri në 7 muaj, kohë kjo gjatë së cilës mund të mos vëreni rritje të flokëve.
Rënia e flokëve ndodh që nga skalpi, prandaj ju mund të vëreni një bisht shumë të hollë.
Si ta trajtoni?
Ushqehuni shëndetshëm, meditoni dhe kryeni ushtrime fizike. Këto janë disa nga trajtimet më të mira që ndihmojnë për të rikthyer trupin në gjendjen e tij natyrale.
Kështu, folikulat e flokëve mund të rikthehen në programin e tyre të rregullt.
Megjithatë, kjo nuk mjafton nëse rënia e flokëve është shkaktuar nga një problem hormonal i lidhur me gjendjen mjekësore. Në këtë rast, mjeku mund t’ju rekomandojë mjekime që rregullojnë nivelet e hormoneve, si progesteron dhe pilulat për kontrollin e lindjeve.
