Fjalën “kamikaze”, e dëgjojmë shpesh sot sa herë kur ndodh një sulm terrorist vetëvrasës. Kjo mënyrë luftimi u shpik nga japonezët gjatë Luftës së Dytë Botërore, ku vdiqën 2.800 pilotë kamikaze.
Ata arritën të godisnin objektivat në vetëm 14 për qind të rasteve, duke fundosur 34 dhe dëmtuar 368 anije të marinës së SHBA-së. Vetëm disa pilotë u paraqitën si vullnetarë, të tjerët detyroheshin. Pilotët kamikazë shkruanin një letër, që u jepej prindërve pas përfundimit të misionit të tyre vdekjeprurës.
Shumica e pilotëve kamikaze ishin rekrutë të rinj. Nga afro 4.000 pilotë kamikaze, rreth 3.000 ishin të rinj. Si rregull djemtë më të mëdhenj në një familje, ishin të përjashtuar nga ky mision fatal. Nga gjithë të tjerët pritej sakrificë në shërbim të perandorit.
Ndërkohë, pilotët kamikaze besonin se do të takoheshin sërish në tempullin Yasukuni. Aktualisht besohet se ai është “shtëpia” e afro 2.5 milionë dëshmorëve, që kanë vdekur në luftëra të ndryshme të Japonisë.
TIRANA TODAY
