Pushtimi rus i Ukrainës ka ndikuar ndjeshëm në çmimet e ushqimeve, duke përfshirë vajrat bimore, grurin dhe misrin.
Para luftës, Ukraina dhe Rusia përbënin 28.9% të eksporteve globale të grurit, sipas JP Morgan, dhe 60% të furnizimeve globale të lulediellit – një përbërës kyç në shumë ushqime të përpunuara, thotë S&P Global.
Bllokada e Rusisë përgjatë bregut të Detit të Zi ka bërë që miliona ton drithëra të mos mund të largohen nga Ukraina.
Banka Botërore ka parashikuar një rritje “të madhe” prej 37% në çmimet e ushqimeve dhe kjo do të shtynte qindra milionë njerëz në varfëri.
Kjo do të godiste më shumë të varfërit, të cilët “do të hanë më pak dhe do të kenë më pak para për çdo gjë tjetër, siç është shkollimi”.
Cili është reagimi në mbarë botën?
Një krizë e thellë ekonomike në Sri Lanka, me shumë njerëz të paaftë për të përballuar ushqimin, ka çuar në protesta të dhunshme.
Burimi i lajmit: BBC. Përshtatur nga Tirana Today
