Gazetarja Klodiana Lala është përplasur ashpër me Ministren e Drejtësisë, Etilda Gjonaj, për shkak të rekrutimeve në punë të militantëve. E ftuar në emisionin “Opinion”, Lala u shpreh se në sistemin e burgjeve ka të punësuar njerëz me precedentë penalë.
“Në sistemin e burgjeve, ka njerëz me precedent penalë. Z. Çuko u rekrutua në kundërshtim me ligjin, z. Kaçori e keni rekrutuar në kundërshtim me ligjin. Ke brenda sistemit jo vetëm transferime të paligjshme, por dy urdhra për një person.
Nuk e kuptoj si nuk keni kërkuar akoma falje për të gjitha këto ndërhyrje, që nga kreu i grupit parlamentar i PS-së, deputetë, ministra. Këtu kemi emra konkret, dhe është në sistemin e burgjeve për shkak të ndërhyrjeve politike”, tha Lala.
