Vetëdorëzimi i Klement Balili ishte paralajmëruar nga i vëllai në një intervistë rreth 1 vit më parë (8 janar 2018).
Bashkim Balili deklaronte se vëllai i tij Kelmendi, i shpallur në kërkim ndërkombëtar për trafikim ndërkombëtar lëndësh narkotike ishte i gatshëm të vetëdorëzohej fill pasi dosja të shkonte në gjykatë.
Fjalët e tij rezultuan të vërteta pasi sot i ashtuquajturi “Eskobarit të Ballkanit” u vetëdorëzua në Policinë e Shtetit sapo u mësua se hetimet ndaj dosjes së tij kanë përfunduar nga ana e Prokurorisë së Krimeve të Rënda pas mbërritjes së letërporosisë së fundit nga ana e Greqisë.
Gazetarja: A keni kontakt me vëllain tuaj dhe a dini se ku ndodhet ai?
Bashkim Balili: Nuk e di se ku ndodhet vëllai im. Kontaktet janë para 4 muajsh. Pyetja ime ka qenë ndaj tij pse nuk vjen. Nuk ndodhet këtu , është larg dhe nuk vjen. Nuk e di se ku ndodhet, pasi nuk kam kontakte.
Gazetarja: Ju i keni bërë thirrje të dorëzohet?
Bashkim Balili: Unë i kam bërë thirrje që të dorëzohet si në fillim dhe tani. Historia e Kelmened Balilit është një histori e gjatë dhe me një të kaluar të hidhur sa i përket këtyre skenareve gjë që e kanë bërë pesimist për t’u dorëzuar. I njëjti skenar ka ndodhur edhe në vitin 2006. Ai u akuzua në atë kohë për grup të strukturuar kriminal dhe trafikim droge, bëri 6 muaj burg. I gjithë grupi u dënua 33 vite burg, Kelmend Balili rezultoi në atë kohë se ishte i pafajshëm, pasi qëndroi 6 muaj në burg. Tani i njëjti skenar ndodh dhe tani që e bën atë të jetë pesimist.
Drejtësia e ka bërë të jetë pesimist dhe të mos ketë besim tek ajo. Drejtësia është nën varësinë e politikës. Politikanët po i bëjnë një gjyq publik Kelmendit. Sot prokurorit i ka mbetur të hedh një firmë. Kemi 16 muaj që kemi në fokus Kelmend Balilin, Akuzohet se ka trafikuar 670 kg hashash. Nuk është fenomen i veçantë por mos ta them si është. Politika ushtron trysni tek drejtësia.
Ditën që do vejë dosja në gjykatë, që të lexohen akuzat, me prova dhe fakte bindëse, është i hapur të vejë të paraqitet, po unë jam. Pasi deri më sot nuk ka asnjë provë asnjë fakt. Se ka dy gjëra fillimisht erdhi akuza nga Greqia, tani erdhi akuza nga Shqipëria ku duhet të dorëzohet ky.
