Gazetarja e TV Klan, Enkelejda Mema, e cila u ofendua me fjalor seksist nga Skënder Gjinushi, ka shprehur një falenderim publik ndaj të gjithë miqve dhe kolegëve të saj, lidhur me hapsirën e dedikuar në media. Ajo ka bërë me dije me anë të një statusi në Facebook se nuk do të merret personalisht me këtë çështje, por do të jenë institucionet përkatëse që do të japin verdiktin përfundimtar.
“Falenderoj miq e jo miq, te njohur e te panjohur, kolege e jo kolege per hapesiren që i dhate incidentit tim me kryetarin e zgjedhur te Akademise se Shkencave, Skender Gjinushi.
Nuk dua te merrem me artikulimet e tij te etiketuara si seksiste, sepse nuk jane ne interesin tim, me to do te merren institucionet perkatese.
Ajo qe ishte ne interesin tim si gazetare dhe qe shume do te doja te kishte gjetur hapesire per diskutim ne media, ishte pikerisht ajo qe kolegia e standard.al sjell ne vemendje.
Edhe nje here Z.Gjinushi? Kur ju lindi ambicia per t’u bere kryetar i Akademise se Shkencave, para apo gjate reformes per Akademine e Shkencave? Nenvizoj se Skender Gjinushi eshte njeriu qe udhehoqi reformen per Akademine e Shkencave”.
