Vijon seanca gjyqësore në Gjykatën e Krimeve të Rënda ndaj Emiljano Shullazit, i cili akuzohet se ka kërcënuar rektorin Mynyr Koni.
Në seancë, u paraqitën kreu i Policisë së Shtetit Haki Çako, ish-ministri i Brendshëm Saimir Tahiri, ish-rektori Dhori kule dhe rektori Mynyr Koni.
Ashtu si ish-ministri Tahiri, edhe Emiljano Shullazi ka kërkuar që të dëshmojë ish-kryeministri Sali Berisha.
Ishte ky i fundit ai që bëri publik në media rastin e denoncimit të rektorit Kule.
Mësohet se Shullazi ka paraqitur një kërkesë që të dëshmojë edhe Berisha, kërkesë të cilën Gjykata e ka pranuar, ndërsa pritet fletëthirrja për ish-kryeministrin.
Në seancën e sotme, edhe Saimir Tahiri dëshmoi se kërcënimin e kishte mësuar nëpërmjet Berishës, duke u drejtuar me pyetjen se përse ish-kryeministri nuk është thirrur për të dëshmuar.
