Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare.
Rragami vuante prej vitesh nga një sëmundje e rëndë, e cila i mori edhe jetën.
Krahas Vllaznisë, Rragami ka qenë prej vitesh edhe futbollist i skuadrës përfaqësuese të Shqipërisë.
I ndjeri do të mbahet mend edhe si lojtari që detyroi UEFA-n që të vendosë një rregull të ri për gjuajtjen e penalltive: “Një futbollist nuk mund të gjuajë më shumë se një goditje”.
