Ndryshe nga vitet e tjera, në fundvitin e 2017-ës nuk do të ketë amnisti për të dënuarit në vendin tonë.
Ka qenë vetë ministrja e Drejtësisë, Etilda Gjonaj ajo që ka dhënë lajmin jo të mirë për të burgosurit.
Në një prononcim për mediet, Gjonaj shtoi më tej se nëse amnistia do të vijojë në vitet e ardhshme, nuk do të përfshihen të dënuarit për dhunë në familje.
Duket se krimet brenda familjes, raste këto të shtuara shumë në vendin tonë, kanë ndikuar që të penalizohen disi edhe të dënuarit e tjerë dhe të mos ketë amnisti në këtë fundvit.
