A thua se ndodhemi në vitet e para pas elektrifikimit të vendit nga kjo panoramë e shëmtuar. Linja elektrike në fshatrat Bushnesh dhe Dukagjin i Ri të Krujës është tërësisht e amortizuar, përpos rrezikut që i sjell kjo linjë e cila shtrihet përgjatë rrugës për në këtë fshat.
Linja e vendosur mbi disa shtylla të drunjta dhe të kalbura, shumë pranë bazamentit të tokës, dhe pranë rrugës, mbetet rrezik permanent. Gjendje e mjerueshme ku është katandisur rrjeti elektrik njihet mjaft mirë nga përgjegjësit, por pranë këtij fakti qëndrojnë sehirxhinj. “Na ruaj o Zot” të mos ndodhë ndonjë ngjarje e rëndë dhe përgjegjësia mbi kë do të rëndojë.
Këto foto nuk kanë shumë nevojë për koment, kjo situatë është e papranueshme për institucionin e OSHEE e cila vjel taksapaguesin ndërsa nuk interesohet për shmangien e rrezikut që i kanoset banorëve të fshatrave Bushnesh dhe Dukagjin i Ri të Krujës./Ahmet Zani, Tirana Today
