Shtyhet vizita e zyrtarit grek në BE, Dimitris Avramopulos për në Shqipëri. Vizita e komisionerit për Migrimin dhe Punët e Brendshme ishte planifikuar që të bëhej sot, por duket se kjo vizitë është shtyrë për shkaqe ende të paqarta, raporton News 24.
Sipas të dhënave të mëparshme, zyrtari grek do të takohej sot me ministrin për Evropën dhe Punët e Jashtme, Ditmir Bushatin, ndërsa nesër me ministrin e Brendshëm Fatmir Xhafaj dhe kryeministrin Edi Rama.
Qëllimi i vizitës është marrëveshja mes Policisë dhe Frontex, ndërsa pas nënshkrimit të marrëveshjes, Avramopulos dhe Xhafaj do të mbajnë një konferencë të përbashkët, e cila tashmë pas shtyrjes pritet të mbahet nesër.
