Gjykata e Krimeve të Rënda ka shtyrë edhe sot seancën gjyqësore të Emiljano Shullazit dhe bandës, bashkë me anëtarët e saj.
Mësohet se shkak për shtyrjen për të disatën herë të këtij gjyqi, u bë mungesa e avokatëve të caktuar kryesisht nga gjykata. Trupa gjykuese e përbërë nga gjyqtarët Eltela Tema, Arben Vrioni dhe Albana Boksi caktuan datën 26 korrik, si datë për mbajtjen e seancës së radhës.
I pandehuri Gilmano Dani, gjatë seancës ka kundërshtuar caktimin e Arben Vrioni si gjyqtar, si dhe kërkoi përjashtimin e tij me pretendimin se ka konflikt interesi pasi ka gjykuar Vollgën në Apelin e Durrësit.
