Kur Partizani nuk po kalon një moment të mirë dhe iu desh të bënte sërish një ndryshim në stol, drejtorit të përgjithshëm, Olsi Ramës i shtohet edhe një hall tjetër. Një person i identifikuar si Berat Beratasi ka krijuar një llogari false në rrjetin social Facebook, me foton dhe të dhënat e tij. Olsi Rama ka zgjedhur ta denoncojë këtë gjë përmes një postimi në profilin e tij në “Facebook”.
Ja çfarë shkruan ai:
“Miqtë e mi, ndjesë që më duhet të raportoj një rast flagrant vjedhje identiteti, por dikush me pafytyrësi ka hapur një profil fallco me fotografitë dhe statuset e mija. Ky person tani për tani I identifikueshëm si Berat Beratas, por që ky emër mund të ndryshohet shumë kollaj, ju bën friend request miqve të mi. Ju lutem mos e pranoni, por raportoheni menjëherë tek Facebook. Unë kam vetëm një llogari në këtu dhe nuk kam ndërmend të hap tjetër, për më tepër miqtë e mij mund ti kontaktoj me telefon dhe nuk kam nevojë për Facebook messenger, ndaj çdo kërkesë nga ana e këtij individi injoroheni. Halleve të jetës reale ju shtohen dhe problemet e botës virtuale, ndaj ndjesë dhe njëherë për shqetësimin.”
