Ndotja e ajrit është bërë një problem global, i cili ka prekur edhe Kosovën e në veçanti Prishtinën, që ditëve të fundit ka arritur të futet në listën e vendeve me ajrin më të ndotur në botë.
Derisa autoritetet lokale dhe ato qendrore janë duke u munduar të gjejnë mënyra për ta përmirësuar ajrin, qytetarët vazhdojnë të brengosen për shëndetin e tyre e në veçanti të fëmijëve.
Numri i madh i makinave të vjetra është një nga faktorët kyç të ndotjes së ajrit, një problem i tillë ka prekur edhe shumë vende të Evropës.
Por, ekziston një dallim i madh edhe mes vendeve të Evropës Perëndimore dhe asaj Lindore. Vendet e Evropës Lindore duket se kanë gjetur alternativa, dhe kështu qytetarët e këtyre vendeve kanë një ajër shumë më të pastër sesa ata të Evropës Lindore.
Harta e publikuar më poshtë shfaq vendet që kanë ajrin më të ndotur , që është i ndarë në kategori bazuar në ngjyrat, transmeton Telegrafi. Dhe është interesant se si vendet me ajrin më të pashëndetshëm janë nga Ballkani dhe disa vende tjera të Evropës Lindore.
Ndërsa, Gjermania, Franca dhe vendet e tjera të zhvilluara të kësaj pjese të Evropës kanë punuar shumë për të parandaluar këtë problem që tashmë është bërë problem global.
