Shpesh gjatë konsumimit të barnave njerëzit bëjnë gabime, të cilat ndikojnë drejtpërdrejt ose jo në shëndet. Mes gabimeve që ndodhin gjatë konsumimit, ekspertët amerikanë shpjegojnë si më të rrezikshme kombinimet mes barnave, mos kontrollimin e etiketave (emrave), pa lënë pas edhe gabimet tjera të zakonshme me barna.
Për të reduktuar rrezikun, ekspertët pajtohen se, në të shumtën e rasteve thelbësore është të përdoret mendimi praktik dhe të bëhen pyetjet e duhura për mjekun ose farmacistin.
Studimi është bërë me një farmacist, dy mjekë dhe një infermiere me qëllim për të vërejtur gabimet më të zakonshme të cilët dominojnë në dhënien e barnave, dhe ky studim ju sugjeron po ashtu edhe mënyrat praktike për të minimizuar dhe eliminuar rreziqet.
Ja shtatë gabimet më të shpeshta dhe të rrezikshme:
- Kombinimi i barnave që bashkëveprojnë
- Kombinimi i barnave dhe alkoolit
- Dalja nga zyra e mjekut pa informata të mjaftueshme
- Ilaçi i gabuar i dhënë në farmaci
- Përdorimi i shumëfishtë i barnave
- Mos marrja e barnave sipas udhëzimit
- Mosparashtrimi i pyetjeve të mjaftueshme siç janë pacientët e hospitalizuar
