Violinistja shqiptare Ervis Gega Dodi e cila ka ndërtuar një karrierë shumë të suksesshme në Gjermani, e ftuar në emisionin e Rudinës sot, shprehu se në një performancë të sajën, ka bërë të lotojë kancelaren gjermane Merkel.
“Ceremonia, ku unë prezantova Gjermaninë në varrimin e Genscher ka qenë një nga më mbresëlënësit dhe pas asaj ceremonie Kancelaria Merkel më takoi dhe më uroi. Më tha: M’u mbushën sytë me lot nga performanca juaj” – shprehu violinistja e njohur.
Violinistja Dodi gjithashtu tregoi detaje mbi emigrimin në shtetin gjerman, dhe sesi ka arritur të prekë majat e muzikës klasike, dhe të përformojë në skena prestigjioze nëpër botë.
