Pas vrasjes së shqiptarit ditën e djeshme në Janinë, ka ardhur reagimi nga Policia greke. Sipas njoftimit për shtyp, efektivet grekë janë qëlluar me armë dhe në kundërpërgjigje, kanë vrarë 39-vjecarin. Ndër të tjera thuhet se në vendngjarje u sekuestruan sasi të konsiderueshme lënde narkotike.
“Dje pasdite, pas një informacioni në rrugë operative për trafik të lëndeve narkotike përmes kufirit greko-shqiptar në zonën e Pogonit, Janinë, efektivë të seksionit të luftës kundër drogës të Janinës, dukë lëvizur me këmbë në zonën e Visani, Pogon, u qëlluan me armë zjarri Kallashnikov.
Efektivet iu përgjigjën zjarrit dhe si pasojë e shkëmbimit të zjarrit, mbeti i vdekur një shtetas shqiptar 39-vjeç dhe u plagos një efektiv policie. Në vendin e ngjarjes u gjetën dhe sekuestruan 6 çanta me 13 pako që permbanin 166 kg 200 gram marijuanë dhe 2 arme zjarri Kallashnikov. Efektivi i plagosur ndodhet në spitalin “Haxhikosta” në Janinë. Në vendin e ngjarjes vijon operacioni për kapjen e trafikantëve të tjerë dhe mbledhjen e materialit hetimor.”- thuhet në njoftimin zyrtar të policisë greke.
