Një ngjarje e rëndë me protagonist një shqiptar ka marrë vëmendjen e mediave gjermane por jo vetëm. Ai ishte një 24-vjeçar, identiteti i të cilit nuk bëhet i ditur ku thuhet se ka dhunuar dhe abuzuar seksualisht me një vajzë në publik.
24 vjeçari kishte trokitur në derën e banesës së vajzës së re në qytetin gjerman të Hannover, të enjten në mëngjes. Pasi ajo hapi derën ai bëri disa hapa para dhe më pas e kishte marrë me një batanije dhe e kishte çuar në bodrum ku kishte abuzuar seksualisht me të, shkruan Sputnik Deutschland, duke cituar mediat lokale.
Me lot në sy dhe në gjendje paniku, ajo për një moment kishte arritur që t’i largohej nga duar sulmuesit. Por, ai e kishte ndjekur nga pas dhe e kishte kapur sërish, shkruan Bild.de.
Megjithatë, tortura nuk mbaroi në këtë pikë. Abuzuesi e kapi viktimën dhe përsëri e abuzoi seksualisht me të, këtë herë përpara një shkolle. Kanë qenë dy persona që kanë lajmëruar policisë, e cila ka arritur menjëherë në vendngjarje dhe ka arrestuar shqiptarin. Thuhet e vajza e re e njihte atë, dhe të dhënat e saj gjithashtu dhe të sulmuesit nuk janë bërë të ditura për arsye sigurie. TIRANA TODAY
