Një djalë 17-vjeçar shqiptar u arrestua sot nga policia greke për vrasjen e bashkëkombësit të tij 18-vjecar mbrëmë në Kavala të Greqisë.
Sipas agjencisë shtetërore të lajmeve ANA-MPA, se autori i vrasjes së shqiptarit Marios Isak nga Leskoviku është një bashkëmoshatar shqiptar, i cili ka pranuar krimin në polici.
Viktima dhe autori kanë qenë shokë të vjetër dhe pasi janë larguar nga një kafe, janë zënë mes tyre për motive që ende nuk bëhen të ditura. Autori ka thënë se nuk donte t’a vriste Mariosin, por në konflikt e sipër e ka qëlluar gabimisht. Të dy të rinjtë më parë kishin festuar së bashku në një klub nate lokal.
18-vjeçari shqiptar është qëlluar me dy plumba dhe aktivizohej me ekipin e futbollit të Heracles në Kavala. I riu shqiptar ishte rritur në Kavala, ku kishte ndjekur gjimnazin dhe më pas kishte nisur të lartën.
Afër ngjarjes, në një bllok ndërtesash private, policia arriti të gjejë armën e përdorur për vrasje.
