Një shqiptar ka ‘ngritur në këmbë’ policinë italiane, pasi kishte harruar një valixhe. Por një telefonatë drejt rajonit të policisë ka vënë alarmin, duke kontrolluar zonën në fjalë. Lajmin e përcjellin mediat italiane, ku shkruajnë se kjo situatë paniku është krijuar nga një 42-vjeçar shqiptar, identiteti i të cilit nuk bëhet me dije.
Karabinierët e stacionit policor të Ostuni në Brindisi janë vënë në alarm nga një telefonatë, ku është denoncuar një valixhe e braktisur në stacionin hekurudhor.
Pas njoftimit, menjëherë u evakuua zona dhe u vendos perimetri i sigurisë. Shqiptari tha se e kishte harruar valixhen, ndërsa ishte shkëputur për të konsumuar diçka.
Ai është shoqëruar në polici për tu pyetur, ndërsa hetimet i morën përsipër agjentët e anti-terrorizmit të Leçes. Pas 40 minutash është rikthyer edhe shërbimi publik në stacionin e trenit.
