Shqiptari Haki Doku ka thyer dy rekorde botërore edhe pse është në karrige me rrota: Itinerari më i gjatë i përshkuar duke ecur me një karrocë paraplegjikësh për 12 orë radhazi si dhe Numri më i madh i shkallëve të zbritura me karrocë paraplegjikësh me aftësi të kufizuar në një orë.
Pak nga nevoja dhe pak për lojë, kështu lindën rekordet për Librin Guiness të shqiptari Haki Doku. Rekordi i parë i Dokut u realizua në “Arena di Milano”, ku për 12 orë radhazi ai lëvizi me karrocë për persona me aftësi të kufizuar, ndërsa në 16 maji të 2015 ai vetëm me forcën e duarve përshkoi 121 km.
“Pas kësaj unë nisa ta shikoj me më shumë interesim librin e rekordeve dhe gjeta një kategori që ende nuk kishte një rekordmen: numri më i madh i shkallëve të zbritura me karrocë për një orë. Duhej që të ishte i imi, e kështu unë në 2016 në Wolsburg të Gjermanisë, vendosa rekordin e 2176 shkallëve të zbritura në një orë. Ishin 61 kate për 2 herë me radhë që në total bëjnë 122 kate. Në qershor të 2017 rekordi i ti shkoi në 2404”, shprehet Doku.
Rekordmeni shqiptar Haki Doku ka qenë mbajtësi i Flamurit shqiptar në Olimpiadën paraolimpike të vitit 2012. Në 2018 Doku pretendon që të zbresë nga ndërtesa më e lartë në botë, Burj Khalifa në Emiratet e Bashkuara Arave, ku 160 kate ku ai do të tentojë që t’i zbresë për 1 orë.
