Në 6 muajt e parë të vitit 2017 në Itali janë shtuar sipërmarrjet e drejtuara nga të huajt. Konkretisht në Trento, sipërmarrjet e drejtuara nga shqiptarët mbajnë vendin e parë. “Lavocedeltrentino” raporton se deri më 30 qershor 2017, janë 3.575 sipërmarrje të drejtuara nga të huajt. Këto sipërmarrje zënë 6,9% të totalit të sipërmarrjeve që ka në total kjo zonë.
Në 5 vitet e fundit është konstatuar tendenca e shtimit të sipërmarrjeve të huaja.
Sektori ku sipërmarrësit e drejtuara nga të huajt janë më shumë të pranishme në sektorin e ndërtimit ku bën pjesë 27.8% e sipërmarrjeve që kanë titullar një emigrant.
Bëhet fjalë për praktikën ku qytetarët e huaj shpesh përfundojnë duke ndryshuar raportin e varësisë në një formë pune autonome. Më pas, është sektori i tregtisë ku prezenca e të huajve varion te 22,2 % dhe ajo e turizmit, me 13,2 %.
Në këtë zonë, në vend të parë përsa i përket drejtimit të bizneseve nga emigrantët, janë shqiptarët me 302 sipërmarrje individuale (11.7%), shkruan Scan.
Në vend të dytë është Maroku, emigrantët e të cilit drejtojnë 282 njësi (10,9 %), Rumania me 267 njësi, emigrantët e të cilës zënë 10.3 %, Kina me 139 sipërmarrës etj. (5.4%).
Sipërmarrësit shqiptarë dhe rumunë rezultojnë se janë përqendruar më së shumti në sektorin e ndërtimeve ku përfaqësojnë 7.8% e 5.3 % të sipërmarrjeve individuale me titullar të huaj. ndërsa marokenët janë më shumë prezentë në sektorin e tregtisë, kryesisht te ajo e vogël, ku përfaqësojnë 6.3% të sipërmarrjeve.
SCAN
