Tregu i lodrave në këtë muaj shënon një rritje të konsiderueshme, ndërsa këtë e konfirmojnë edhe të dhënat e importeve sa i takon këtyre produkteve. Bazuar në të dhënat e fundit të tregtisë së jashtme nga Drejtoria e Përgjithshme e Doganave , thuhet se importi i lodrave gjatë periudhës janar-tetor është rritur ndjeshëm, në krahasim më të njëjtën periudhë të një viti më parë.
Bazuar në këto të dhënë rezulton se veni ynë ka importuar lodra për fëmijë dhe lojëra sportive në shumën ë 1.779.000.000 lekë, por si qëndron ky trend në raport me të njëjtën periudhë rë vitit të kaluar, rritja është e theksuar në masën e 38%.
Të dhënat tregojnë se nuk është rritur vetëm sasia e lodrave në treg, por gjithashtu ka një përmirësim sa i takon çmimit dhe cilësisë së këtyre lodrave, po t’i referohemi indikatorit të çmimit si parametër vlerësues.
Por sa i takon eksporteve Shqipëria nuk ka të njëjtën strategji, pasi shifrat në eksportin e lodrave dhe eksportet e produkteve të mishrave drejt vendeve të tjera, por jo vetëm janë në një raport aspak pozitiv dhe kjo tregon fuqinë e vogël prodhuese që ka sektori ynë i ekonomisë, ndërsa koston më të lartë do ta paguajnë shqiptarët. Konsumatorët shqiptarë, do të paguajnë më shumë për marrjen e një produkti të tillë, pasi kostoja për ta servirur në tregun tonë është e lartë.
Shqipëria ka eksportuar lodra me vlerë 759 milionë lekë, ose 14.6% më pak se e njëjta periudhë e një viti më parë, ndërsa më terma vëllimi qëndron po e njëjta strategji. Kjo tregon se tregu i lodrave është i tejmbushur, por pritet të shikojmë se si do të shpenzojnë shqiptarët në këtë prag festash, do blejnë më shumë lodra apo më shumë produkte të tjera.
