Të paktën 3 shqiptarë janë arrestuar nga policia italiane, pasi bëjnë pjesë në një bandë kriminale të shitjes së lëndëve narkotike. Shqiptarët e arrestuar janë Eduard Korkaj 31 vjeç, Anxhelo Malollari 30 vjeç dhe Igli Malollari 18 vjeç.
Së bashku me shqiptarët policia në Comasina arrestoi të premten edhe të fortin që udhëhiqte bandën Luigi Pompeo 42-vjec, djali i Rocco Agostino Pompeo, i cili u arrestua nga policia në Bruzzano, në veri të Milanos, pasi konsiderohet si një nga tregtarët më të fuqishëm të drogës në qytet dhe i lidhur me klanin mafioz të Ndrageta, njoftojne mediat italiane.
Shqiptarët dhe kreu i bandës u arrestuan në një apartament që i përkiste një të moshuari i cili kishte ndërruar jetë. Policia gjeti dhe sekuestroi në banesë 51,1 kilogram kanabis si dhe armë zjarri.
