Arsenal ka mposhtur Cardiffin me rezultatin 3-2 në ndeshjen e vlefshme për Premier League. Goli i parë në këtë sfidë është shënuar nga Shkodran Mustafi, mbrojtësi me origjinë shqiptare i cili festoi duke bërë shqiponjën me duar.
Por, në mënyrë krejt të çuditshme mediet në Angli kanë dhënë alarmin se qendërmbrojtësi gjerman rrezikon të dënohet nga federata për përdorimin e një simboli me prapavija politike. Gazeta e famshme angleze “The Independent” ka qenë e para që ka prekur këtë çështje.
Federata angleze pritet të hapë një hetim për atë gjest të bërë nga Mustafi në fushë, dhe dënimi mund të jetë me disa ndeshje pezullim nga kampionati. Tek goli Mustafi u asistua nga Xhaka dhe kur iu drejtua për të festuar ka bërë dhe shqiponjën me duar.
Për këtë i referohen edhe dënimin që dha FIFA për Granit Xhakën dhe Xherdan Shaqirin në Kupën e Botës, pasi të dy festuan me shqiponjë golat që i shënuan Serbisë.
