Kombëtarja shqiptare ka rikuperuar 9 pozicione në renditjen e FIFA-s, e cila u publikua ditën e sotme. Tashmë kuqezinjtë do të mbajnë vendin e 62, me 553 pikë nga 498 që kishte një muaj më parë. Në ketë rritje në renditja, sigurisht që ka ndikuar edhe fitorja që mori kombëtarja e drejtuar nga Christian Panucci në Antalia, ndaj Turqisë me rezultat 3-2. Edhe Kosova është ngjitur me 9 pozicione, por kombëtarja e dytë e shqiptarëve mban vendin e largët 174.
Sa i përket kreut të renditjes së FIFA-s, ai mbahet nga Gjermania me 1.602 pikë, ndjekur nga Brazili me një distancë të theksuar me vetëm 1483 pikë, ndërsa vendin e fundit të “podiumit” e mban Portugalia kampione në fuqi e Europës me 1358. Dhjetëshja e parë plotësohet nga Argjentina, Belgjika, Spanja, Polonia, Zvicra, Franca dhe Kili.
