Shqipëria renditet në vendet pjesërisht të lira, duke ruajtur pothuajse të njëjtin pozicion të raportit të përvitshëm të Fredoom House. Për këtë vit, Shqipëria renditet në vendin e 68 nga 195 ekonomi të marra në studim-shkruan Tirana Today.
Sa i përket vlerësimit me pikë, vendi ynë ka marrë 3 pikë nga 7 të mundshme, ndërsa po të njëjtin vlerësim ka marrë edhe sa i përket të Drejtave Politike dhe të Drejtave Civile, një tregues jo i mirë për performancën e demokracisë-shkruan Tirana Today.
Raporti i Freedom House del në përfundimin se vendi shënoi rekord për zgjedhje konkurruese, megjithatë partitë ishin shumë të polarizuara, por fokusi kryesor ishte tek liderët partiakë, duke tkurrur përfaqësimin më në gjerësi.
“Vëzhguesit dolën në rezultatin se zgjedhjet parlamentare 2017 ishin në përgjithësi të rregullta dhe të besueshme, edhe pse u raportuan blerje të votave dhe probleme procedurale, si dhe procesi i votimit u vonua për shkak të bojkotit të opozitës”-thuhet në raportin e publikuar.
Ndërsa problem shqetësues mbetet edhe korrupsioni, ndërhyrja e bizneseve të mëdha në jetën e përditshme, ndikimi i politikës dhe pengesa e mediave për të nxjerrë në dritë lajme me interes publik. Kjo qasje ka qenë penguese për median, ku tregon se niveli i presioneve është shumë i pranishëm në këtë sektor.
Media në Shqipëri është e pamundur për të kryer plotësisht veprimtarinë e saj në denoncimin e problematikave, pasi ndikimet e gjithanshme e bëjnë akoma më të vështirë në misionin e saj për të bërë “avokatin” e shoqërisë civile.
Raporti vjetor i organizatës joqeveritare Freedom House, me seli në Uashington, ka publikuar këtë të martë të dhëna për Shqipërinë, Malin e Zi, Kosovën, Maqedoninë dhe Bosnjën si “pjesërisht të lira”, ndërsa liria në Serbi është vlerësuar në rënie. Megjithatë Serbia dhe Kroacia, në raportin e publikuar sot, futen në mesin e vendeve të lira-shkruan Tirana Today.
Rendi demokratik po tkurret në të gjithë botën
Raporti i Freedom House ka bërë vlerësimin në 195 vende të botës, ku 88 janë renditur si të lira, 58 pjesërisht të lira dhe 49 jo të lira.Demokracia po “shkundet” nga themelet në të gjithë vendet e botës, ndërsa vetë Shtetet e Bashkuara të Amerikës si kampione të lirisë dhe demokracisë.
Ndërsa Rusia dhe Kina “kanë rritur represionin” dhe “ndikimin e keq jashtë vendit”, thuhet në raportin e organizatës Freedom House.Raporti nënvizon se 2017-a ka qenë viti i 12 radhazi i rënies së lirisë globale me 71 vende që kanë vuajtur rënie në të drejtat politike dhe liritë civile. PËRSHTATI TIRANA TODAY.
