Shqipëria ka pasur një bum në sektorin e ndërtimit për vitin 2016. Sipas të dhënave të publikuara nga INSTAT, numri i lejeve të ndërtimit në 2016-ën ka pësuar trefishim, e përkthyer ndryshe me një rritje 167%.
Ndërkohë, në vendet e Bashkimit Evropian, numri i lejeve të ndërtimit ka pësuar në rritje mesatare prej 10.3% në vitin 2016.
Organizata e Kombeve të Bashkuara parashikon që në vitin 2100, popullsia e Shqipërisë do të jetë 1,754,540 banorë me një rënie prej 1.2 milionë personash nga popullsia aktuale, ndërkohë që vendet e Europës po përballen me shtim të popullatës prej emigracionit nga vendet e Lindjes se Mesme dhe atyre të Afrikës së Veriut.
Në paradoks me këto zhvillime, Shqipëria ndodhet para një bumi ndërtimesh, ku është lajmëruar edhe ndërtimi i të paktën 15 kullave shumëkatëshe, shkruan Monitor.
Sipas INSTAT, në tremujorin e parë 2017 janë miratuar gjithsej 101 leje ndërtimi për ndërtesa të reja, me një sipërfaqe rreth 91.864 m 2, nga të cilat 43 leje ishin në Tiranë.
Eurostat shpjegon se indeksi i lejeve të ndërtimit u rrit në shumicën e Shteteve Anëtare të BE-së në mes të tremujorit të parë të vitit 2014 dhe tremujorit të parë të vitit 2017. Gjatë kësaj periudhe, rritjet më të larta u regjistruan në Hungari ku numri i lejeve të ndërtimit shënoi një rritje vjetore me 157 %. Më tej në renditje vjen Portugalia me një rritje 39 për qind krahasuar me 2015, më pas Maqedonia dhe Serbia me një rritje me nga 26% secila. Holanda dhe Rumania ishin të vetmet që pësuan rënie të numrit të leje të dhëna për ndërtim, respektivisht me 4.7 dhe 1.7% %, ndërsa rritje të vogël të numrit të lejeve patën shtete të tilla, Greqia dhe Çekia.
