Mbrëmjen e sotme, Shqipëria do të përballet në një sfidë të vështirë me Islandën. Pas humbjes 4 me 1 kundër Francës, sot kuqezinjtë do të kërkojnë që të zhvillojnë një sfidë për t’u mbajtur mend.
Sipas informacioneve, mësohet se Edi Reja ka vendosur të bëjë gjashtë zëvendësime për ndeshjen ndaj Islandës. Trajneri Reja gjatë konferencës së djeshme, theksoi se skuadra është gati për të dhënë më të mirën, dhe se do të ketë ndryshime në formacion në krahasim me ndeshjen me Francën.
“Me Islandën do të jetë ndeshja jonë më deçizive, kjo do të tregojë nëse do të vazhdojmë ëndrrën tonë europiane. Normalisht në rast se nuk fitojmë, kjo gjë do na heqë shumë mundësi për t’u kualifikuar. Kemi tre ndeshje në shtëpi, duhet të shfrytëzojmë faktorin fushë, do të na japë një shtysë shumë të fortë për kualifikimin. Kalendari na favorizon për të bërë më të mirën. Do të kërkojmë të bëjmë më të mirën jashtë fushe”.
Shqipëria do të luajë ndeshjen e rradhës kualifikuese për Kampionatin Europian 2020, kundër Islandës në “Elbasan Arena”, në orën 20:45.
Sipas informacioneve, mësohet se Edi Reja ka vendosur të bëjë gjashtë zëvendësime për ndeshjen e sotme ndaj Islandës. Trajneri gjatë konferencës së djeshme, tha se që nga kapiteni Mavraj dhe deri në sulm, priten të tjerë futbollistë për t’i dhënë ekipit energji të reja.
Gjashtë futbollistë pritet të jenë ndryshe nga përballja e fundit me Francën. Në stol do të ulen Mavraj, Roshi, Abrashi, Ramadani, Uzuni dhe Balaj. Skema e lojës besohet se do të jetë sërish e njëjta, 3-5-2, por me Lenjanin dhe Hysajn nga krahët.
