Ekipi shqiptar i Skënderbeut thuhet se ka manipuluar një numër të madh ndeshjesh dhe për këtë arsye UEFA ka marrë një dënim drastik që nuk ishte parë deri sot, shkruan Goal.com. Roli i basteve sportive në Shqipëri duket qartë nga numri i zyrave të basteve. Në Shqipëri ka rreth 4,000 salla llotosh, me një popullsi prej 2.8 milionë banorësh, që përllogaritet një zyrë bastesh për 700 banorë. Në Gjermani, kjo vlerë ishte rreth 18,000 banorë për zyrën e basteve në vitin 2015, shkruan Tirana Today.
HISTORIKU
53 ndeshje të dyshuara për trukim, 10 vjet pezullim dhe një gjobë prej një milion euro: Klubi shqiptar i futbollit, Skënderbeu Korça, bëri tri reklama negative në një goditje të vetme. Klubi dominant në shtetin e vogël ballkanik thuhet se ka shkelur integritetin e futbollit.
Sindikata Evropiane e Futbollit (UEFA) ka vendosur përjashtimin e Skënderbeut nga të gjitha garat evropiane për dhjetë vite. Gjithsej 53 ndeshje janë etiketuar që nga viti 2010, duke përfshirë ndeshje në nivel evropian, në garat e brendshme, madje edhe miqësore.
Ndeshja ndërmjet Skënderbeut dhe irlandezo-veriorëve të Crusaders
“Ky klub ka manipuluar ndeshjet e futbollit si nuk ka bërë askush në historinë e kësaj lojës,” tha Komiteti Disiplinor i UEFA-s. Gjoba për klubin arrin në një milion euro, buxheti i përgjithshëm i klubit është 2.5 milionë euro, shkruan Tirana Today.
Shembull i pretendimeve është një ndeshje më 21 korrik 2015. Në atë kohë Skënderbeu ishte në pjesën e dytë të raundit të dytë të kualifikuesit të Ligës së Kampionëve përballë klubit irlandez të Veriut, Crusaders. Ndeshjen e parë e fitoi Skënderbeu 4: 1, në ndeshjen e dytë, shqiptarët ishin në pjesën e dytë duke fituar 2:1. Sipas UEFA-s, në fund të ndeshjes, “qindra mijëra euro” u luajtën në baste që shënohen më shumë se katër gola.
Dhe më pas, dy gabime serioze të mbrojtjes shqiptare dhe të portierit, ndeshja u përmbys në 3: 2. Në atë kohë, portieri i Irlandës së Veriut menjëherë pas ndeshjes tha se diçka kishte “shkuar keq”.
Presidenti i klubit Skënderbeu Ardian Takaj e sheh veten në rolin e viktimës
Presidenti i klubit Skënderbeu, Ardian Takaj do të luajë një rol udhëheqës në situatën e shëmtuar. 54-vjeçari reagoi i indinjuar ndaj sanksioneve të UEFA-s dhe e sheh klubin e tij në rolin e viktimës. UEFA dëshironte të përdorte “një vend të vogël, një klub të vogël “, që të mburret me sistemin e sigurisë së BFDS-së. Kjo u prezantua posaçërisht nga UEFA për të zbuluar mashtrimet e basteve.
“Unë nuk mendoj se UEFA do të ndërmarrë një vendim të tillë kundër një vendi perëndimor, vetëm për shkak të dyshimeve për trukim” tha Takaj.
Për futbollin shqiptar, ky dënim është një pengesë e madhe. Skënderbeu ka qenë klubi më i mirë në vendin e tyre, me shtatë kampionate të fituara gjatë tetë viteve të fundit, me klubin që ka marrë pjesë dy herë në Ligën e Evropës në tre vitet e fundit, shkruan Tirana Today.
Bastet sportive në Shqipëri janë shumë më popullore sesa në Gjermani
Presidenti i shoqatës shqiptare Armando Duka e sheh mashtrimin e basteve jo si një fenomen “shqiptar”, por një “fenomen evropian”. Sidoqoftë, sidomos në Shqipëri, manipulimi i konkurrencës gjithashtu duket thellësisht i rrënjosur në institucione. Sipas Artan Shyti, president i shoqatës së ‘bookmakers’ në Shqipëri, “UEFA dëshironte të punonte me Shqipërinë shtatë vjet më parë, por ka pasur “bashkëpunim të vogël nga autoritetet”.
Përshtati TIRANA TODAY
