Shqiptarët njihen qe zotërojnë bandat më të ‘fuqishme’ të kokainës në rajon. Të shumta kanë qenë rastet kur shqiptarët kanë trafikuar lëndë narkotike drejt vendeve fqinje si Italia dhe Greqia. Por tanimë të dhëna të tjera bëjnë të ditura, ku thuhet se mafia shqiptare e lëndëve narkotike ka fituar teren dhe në qytete të tjera si në Britani.
Një rast është dhe ai i shqiptarit Durim Salliu, i cili kishte arritur në Britani duke u fshehur në një kamion dhe menjëherë ishte lidhur me një bandë shqiptare e cila i ofroi strehim, para dhe ushqim, shkruan devonlive.com.
Ai u dërgua në një njësi industriale në Nutaberry Yard, East-the-Water, i pajisur me një kuti të madhe ushqimi, ku për detyre kishte që të kujdesej për rritjen e kanabisit.
Ai kishte jetuar vetëm në një banesë në katin e sipërm prej tre javësh kur policia e bastisi, ndërsa nga jashtë godina ngjante si një biznes riparimi automjetesh.
Dyert ishin të mbyllura dhe mënyra e vetme për të hyrë në tre dhomat e rritjes ishte që të hyje nga poshtë shkallëve të banesës, tha gjykatësja e Korporatës Exeter.
Salliut i ishte thënë se do të paguhej 1000 £ plus 500 për shpenzime, por nuk mori asgjë.
Salliu, 23 vjeç, nuk kishte vendbanim fiks, pranoi se punonte në prodhimin e kanabisit dhe u burgos me nëntë muaj nga gjyqtari Graham Cottle.
“Ju erdhët në këto brigje për shkak se besonit se punësimi ishte i lehtë për t’u gjetur, por nuk gjetët punë ose strehim dhe ishit të pastrehë dhe pa para.
Ju takuat një grup të shqiptarëve dhe në këmbim të premtimit të parave dhe ushqimit ju u dërguan në Bideford dhe iu udhëzuan të kujdeseshit dhe të kenë një operacion shumë të rëndësishëm dhe veçanërisht profesional të rritjes së kanabisit. Ose gjatë ose pas përfundimit të dënimit ju do të dëboheni në Shqipëri”, i tha gjyqtari shqiptarit.
